რუსეთსა და საქართველოს შორის ახალი სატრანსპორტო მარშრუტის ექსპლუატაციაში გაშვებამ შესაძლოა ორმხრივი ვაჭრობა, სულ მცირე, 500 მილიონი დოლარით გაზარდოს. ამის შესახებ SputnikLive-ის ეთერში კასპიის სტრატეგიული კვლევების ინსტიტუტის ექსპერტმა ალექსანდრე კარავაევმა განაცხადა და ორ ქვეყანას შორის ლოგისტიკის განვითარების პერსპექტივები შეაფასა.
მისი შეფასებით, უკვე 2028 წლისთვის რუსეთსა და საქართველოს შორის საერთო სავაჭრო ბრუნვამ შესაძლოა 3 მილიარდ დოლარს გადააჭარბოს, ხოლო გადაზიდული ტვირთების მოცულობამ - წელიწადში 3 მილიონ ტონას მიაღწიოს. ამაში საკვანძო როლს ითამაშებს ახალი მაგისტრალი, რომელიც სატრანსპორტო სისტემაში არსებულ პრობლემებს მოხსნის და უფრო სტაბილურ კავშირს უზრუნველყოფს.
მოსალოდნელია, რომ გზა იმპულსს მისცემს კონტეინერების გადაზიდვებს და გააფართოვებს მალფუჭებადი საქონლის მიწოდებას. პირველ რიგში, საუბარია აგრარული სექტორის პროდუქციაზე, ასევე ალკოჰოლურ სასმელებზე, რომელთა მიწოდების სიჩქარესა და საიმედოობას გადამწყვეტი მნიშვნელობა აქვს. ექსპერტები თვლიან, რომ პროექტი შესაძლოა რეგიონში ვაჭრობის ზრდის ერთ-ერთი მამოძრავებელი გახდეს.
