მიწოდების სერვისი Yandex Eats წყვეტს მუშაობას საქართველოში. ადგილობრივი ოპერაციების შეწყვეტის შესახებ გადაწყვეტილება კომპანიის ოპერაციების ხელმძღვანელმა გიორგი ჩოლარიამ LinkedIn-ზე გამოაცხადა. მან ხაზგასმით აღნიშნა, რომ ამაყობს მაღალი სტანდარტების მქონე სტრუქტურირებული და შედეგიანი გუნდის შექმნით.
Yandex Eats-მა მუშაობა ქვეყანაში 2024 წლის ოქტომბერში დაიწყო, ხოლო 2025 წლის ივნისიდან სერვისი ბათუმში Yandex Go აპლიკაციის საშუალებით რესტორნებში აქციებითა და ფასდაკლებებით ამოქმედდა. საოპერაციო მაჩვენებლების წარმატების მიუხედავად, კომპანიამ პროექტის დახურვის სტრატეგიული გადაწყვეტილება მიიღო.
აღვნიშნავთ, რომ Yandex ტაქსი საქართველოში 2016 წლის აგვისტოდან მუშაობს და ეს სერვისი მიწოდების სამსახურის წასვლისგან დამოუკიდებლად გააგრძელებს ფუნქციონირებას.
