მუნიციპალური განვითარების ფონდმა ბათუმში საცხოვრებელი კომპლექს „მაგნოლიას“ რეკონსტრუქციის პროექტის შემუშავებაზე ტენდერი გამოაცხადა. საპროექტო დოკუმენტაციის მომზადების სამუშაოების ღირებულება 2,5 მილიონ ლარს შეადგენს, ხოლო შერჩეული კომპანია ობიექტის აღდგენის მომავალი ფორმატის განსაზღვრით დაკავდება. რეკონსტრუქცია 15 ათას კვ.მ-ზე მეტ ტერიტორიას მოიცავს, თუმცა სამუშაოების კონკრეტული ჩამონათვალი პროექტის ეტაპის დასრულების შემდეგ განისაზღვრება.
პროექტის მომზადების შემდეგ ხელისუფლება სამშენებლო სამუშაოებზე ცალკე ტენდერის გამოცხადებას გეგმავს. ინიციატივა აჭარის მთავრობის 31 მაისის გადაწყვეტილებას უკავშირდება, რომლის მიხედვითაც კომპლექსის რეკონსტრუქცია უნდა დაიწყოს. ფონდში აღნიშნავენ, რომ შენობა ბათუმის ცენტრალურ ტურისტულ ზონაში მდებარეობს, სადაც მისი ამჟამინდელი მდგომარეობა უარყოფითად მოქმედებს როგორც ქალაქის გარემოზე, ასევე რაიონის მიმზიდველობაზე.
კომპლექსი „მაგნოლია“ ათ წელზე მეტია დაუსრულებელ მშენებლობად რჩება. მისი მშენებლობა კომპანია Centre Point Adjara-მ დაიწყო, რომელმაც კარკასი 2011 წელს დაასრულა, თუმცა პროექტი ბოლომდე არ მიიყვანა. მოგვიანებით ვალდებულებები კომპანია Dexus-ს გადაეცა, მაგრამ ობიექტი არ დასრულებულა და თანდათან დანგრევის პირას მივიდა. ახლა ხელისუფლება იმედოვნებს, რომ ახალი რეკონსტრუქცია შენობის ბათუმის თანამედროვე ქალაქურ იერსახეში ინტეგრირებას შეუწყობს ხელს.
