ბათუმში, უძრავი ქონებისა და დეველოპმენტისადმი მიძღვნილ ფორუმზე GREMO 2026, Ambassadori Island-ის პროექტისთვის „ჭკვიანი ქალაქის“ კონცეფცია წარმოადგინეს. ღონისძიება საერთაშორისო ექსპერტების, ინვესტორებისა და ბიზნესის წარმომადგენლების მონაწილეობით Courtyard by Marriott-ის სასტუმროში გაიმართა და Real Estate Prospect-თან და BMG-სთან პარტნიორობით იყო ორგანიზებული.
ARUP-ის უფროსმა სპეციალისტმა, Mustafa Ay-მ, ქალაქების განვითარების თანამედროვე მიდგომებზე ისაუბრა, რომლებიც მოიცავს მონაცემების გამოყენებას, მდგრად დაგეგმარებასა და მაცხოვრებლების კომფორტზე ორიენტაციას. განსაკუთრებული აქცენტი გაკეთდა ტექნოლოგიების ურბანულ გარემოში ინტეგრაციაზე და ისეთი გადაწყვეტილებების შექმნაზე, რომლებიც ითვალისწინებს ბათუმის უნიკალურ იდენტობასა და მის ტურისტულ პოტენციალს.
Ambassadori Island-ის პროექტი შავი ზღვის აკვატორიაში ორი ხელოვნური ნახევარკუნძულისა და ერთი კუნძულის მშენებლობას ითვალისწინებს, მდგრადი განვითარების პრინციპების დაცვით. დეველოპერების ჩანაფიქრით, ის რეგიონის საქმიანი და ტურისტული აქტივობის ახალი ცენტრი უნდა გახდეს და საქართველოში სანაპირო ინფრასტრუქტურის განვითარების ახალი სტანდარტი დაამკვიდროს.
