ავიაკომპანია Wizz Air Malta გაზრდის ფრენების სიხშირეს ქუთაისსა და ვენეციას შორის 2026 წლის ზაფხულის განრიგში. ამის შესახებ საქართველოს სამოქალაქო ავიაციის სააგენტოში განაცხადეს.
15 მაისიდან 4 სექტემბრამდე დაემატება დამატებითი რეისი პარასკევობით. შედეგად, ფრენები მარშრუტზე ვენეცია - ქუთაისი - ვენეცია შესრულდება კვირაში 3-ჯერ: სამშაბათს, პარასკევსა და შაბათს. ავიაკომპანიამ სიხშირის გაზრდის ნებართვა 7 აპრილს მიიღო.
ქუთაისსა და ვენეციას შორის მარშრუტი გასული წლის დეკემბერში დაიწყო. ამჟამად Wizz Air ჯგუფი საქართველოს მიმართულებიდან ევროპაში 24 მიმართულებით ახორციელებს ფრენებს.