ბათუმში კომპანია Ambassador Batumi ყოფილი ნავთობგადამამუშავებელი ქარხნის ტერიტორიაზე ბეტონის ქარხანას აწყობს. თავდაპირველად წარმოება ხელოვნურ კუნძულზე იგეგმებოდა, მაგრამ გეგმები შეიცვალა და ინფრასტრუქტურა „ბნზ“-ის ინდუსტრიულ ზონაში გადაიტანეს. კომპანია დაახლოებით 34 ჰექტარ მიწას ქირაობს, თუმცა საწარმოო საჭიროებისთვის მხოლოდ ნაწილს გამოიყენებს.
ქარხანა აუცილებელია ხელოვნური კუნძულის ასაშენებლად და უკვე აღჭურვილია MB-K145 დანადგარით, რომლის წარმადობა საათში 140 მ³-მდეა. ტექნოლოგიური პროცესი სრულად ავტომატიზირებულია: ცემენტი, ხრეში, ქვიშა, ქიმიური დანამატები და წყალი ერთმანეთში ირევა, მართვა კი საკონტროლო კაბინიდან ხორციელდება. ინფრასტრუქტურის განთავსებამდე ტერიტორია გაიწმინდა და ინერტული მასალით მომზადდა, ხოლო კომპანიამ გარემოს ეროვნულ სააგენტოში განაცხადი შეიტანა სკრინინგზე, რათა დაედგინათ გარემოზე ზემოქმედების შეფასების (გზშ) საჭიროება.
ინერტული მასალები ხალასა და კვირიკეს კარიერებიდან დამსხვრევა-დახარისხების კომპლექსში შევა. საშუალოდ, დღეში დაახლოებით 50 სატრანსპორტო ოპერაციაა მოსალოდნელი, ამასთან, გადაზიდვები პიკის საათების გარეთ იგეგმება, გათვალისწინებულია ალტერნატიული მარშრუტები. ხელოვნური კუნძულის ტერიტორიამდე მანძილი სულ რამდენიმე ასეული მეტრია, რაც მშენებლობისთვის მოსახერხებელ ლოგისტიკას უზრუნველყოფს.
ახლა მთავარზე
დარგი თანამშრომლების გადინებასა და მოძველებულ ტარიფებზე ჩივის
სულ რაღაც ერთ წელიწადში საქართველოს აეროპორტებში დაახლოებით 3,9 ათასი სატვირთო რეისი შესრულდა
CIPS არ არის SWIFT-ის ალტერნატივა
ამის შესახებ ეკონომიკისა და მდგრადი განვითარების მინისტრმა განაცხადა
ყოფილი ბათუმის ნავთობგადამამუშავებელი ქარხნის ტერიტორიაზე
აზერბაიჯანის ინვესტიციები საქართველოში 3,1 მილიარდ დოლარს აჭარბებს
დოკუმენტი მოიცავს ბირთვულ და რადიაციულ უსაფრთხოებას
ხელი მოეწერა კონტრაქტს საკონსულტაციო კომპანია CESI-სთან
მედიკამენტებზე ფასების შესამცირებლად
