ავტომობილების იმპორტიორები და ავტოდილერები 21 თებერვალს რუსთავის ავტობაზრობის მიმდებარე ტერიტორიაზე საპროტესტო აქციას გამართავენ.
მიზეზი მთავრობის გადაწყვეტილებაა 6 წელზე ძველი ავტომობილების იმპორტის აკრძალვის შესახებ, რასაც ხელისუფლება ეკოლოგიური მოსაზრებებით ხსნის. ასეთი მანქანების შემოტანა მხოლოდ რეექსპორტისთვის იქნება დაშვებული.
იმპორტიორთა ასოციაციის ხელმძღვანელმა ლაშა დარბაისელმა ამ გადაწყვეტილებას „პირდაპირი შოკი“ და „საერთო კატასტროფა“ უწოდა. ორგანიზაციის შეფასებით, აკრძალვამ შესაძლოა ბაზრიდან იმპორტიორების მინიმუმ 50%-ის გასვლა გამოიწვიოს.
„ეს ნიშნავს უმუშევრობას და სამუშაო ადგილების დაკარგვას. არა მხოლოდ ავტომობილების იმპორტიორებისთვის, არამედ ავტო-სერვისის სფეროში მომუშავე და ავტონაწილების იმპორტით დაკავებული ადამიანებისთვის... სად წავლენ ეს ადამიანები?“ - თქვა დარბაისელმა.