საქართველოს ეროვნულმა ბანკმა მიიღო გადაწყვეტილება რეფინანსირების განაკვეთი უცვლელად დატოვოს - 8%-ზე. მარეგულირებელი ამ მაჩვენებელს დიდი ხნის განმავლობაში ინარჩუნებს: ბოლოჯერ ის ორი წლის წინ მაისში შეიცვალა, როდესაც 0,25 პროცენტული პუნქტით შემცირდა.
რეფინანსირების განაკვეთზე მიბმულია 180 ათასზე მეტი საბანკო სესხი, ამიტომ მისი შენარჩუნება პირდაპირ გავლენას ახდენს მოსახლეობისა და ბიზნესისთვის სესხების მომსახურების პირობებზე.
ფულად-საკრედიტო პოლიტიკის კომიტეტის მორიგი სხდომა 25 მარტს არის დაგეგმილი, სადაც მარეგულირებელი კვლავ შეაფასებს ეკონომიკურ ვითარებას და ინფლაციურ რისკებს.
