2026 წლის იანვარში საქართველოს აეროპორტებში მგზავრთნაკადი გასული წლის ანალოგიურ პერიოდთან შედარებით 16%-ით გაიზარდა. ეკონომიკისა და მდგრადი განვითარების სამინისტროს ინფორმაციით, თვის განმავლობაში ქვეყნის საჰაერო ნავსადგურებმა 613 933 მგზავრს მოემსახურა, ხოლო შესრულებული ავიარეისების საერთო რაოდენობამ 2 873-ს მიაღწია, რაც ასევე 16%-ზე მეტ ზრდას ნიშნავს.
ძირითადი დატვირთვა თბილისის საერთაშორისო აეროპორტზე მოვიდა, რომელმაც 430 034 მგზავრი მიიღო. ქუთაისის აეროპორტმა 138 028 ადამიანს მოემსახურა, ხოლო ბათუმის აეროპორტმა - 44 894 მგზავრს. პარალელურად, საგრძნობლად გაიზარდა სატვირთო სეგმენტიც: საავიაციო გადაზიდვების მოცულობამ იანვარში 3 147,16 ტონა შეადგინა, რაც 38,75%-ით მეტია გასული წლის მაჩვენებელზე. ქვეყნის საჰაერო სივრცის გამოყენება 9,56%-ით გაიზარდა, სულ 24 387 საფრენოსნო ოპერაცია დაფიქსირდა.
სამინისტროში აღნიშნავენ, რომ პოზიტიური დინამიკა 2025 წლის რეკორდულ ტრენდს აგრძელებს. მაშინ საქართველოს აეროპორტებმა 8 494 640 მგზავრს მოემსახურა, ხოლო რეისების რაოდენობა 38 218-მდე გაიზარდა და 2024 წლის მაჩვენებელს 17,5%-ით გადააჭარბა. საავიაციო ტვირთების მოცულობამ 38 578 379 ტონას მიაღწია, რაც 50%-იანი ზრდით ქვეყნისთვის აბსოლუტური რეკორდი გახდა.
ახლა მთავარზე
ყველაზე მეტი დამრღვევი თბილისში დაფიქსირდა
ახალი წესები კომისიას საშუალებას მისცემს დამოუკიდებლად დაიწყოს შემოწმებები და გამოიყენოს სანქციები
ყურადღების ცენტრშია ტრანსპორტი, ენერგეტიკა და ციფრული კავშირები
დარგი თანამშრომლების გადინებასა და მოძველებულ ტარიფებზე ჩივის
სულ რაღაც ერთ წელიწადში საქართველოს აეროპორტებში დაახლოებით 3,9 ათასი სატვირთო რეისი შესრულდა
CIPS არ არის SWIFT-ის ალტერნატივა
ამის შესახებ ეკონომიკისა და მდგრადი განვითარების მინისტრმა განაცხადა
ყოფილი ბათუმის ნავთობგადამამუშავებელი ქარხნის ტერიტორიაზე
აზერბაიჯანის ინვესტიციები საქართველოში 3,1 მილიარდ დოლარს აჭარბებს
დოკუმენტი მოიცავს ბირთვულ და რადიაციულ უსაფრთხოებას
