Numbeo-ს კვლევითი ორგანიზაციის მიერ 2026 წლის საავტომობილო გზების გადატვირთულობის განახლებული ინდექსის მიხედვით, თბილისმა მსოფლიოს 340 ქალაქიდან 171-ე ადგილი დაიკავა. ეს ნიშნავს, რომ მოძრაობა საქართველოს დედაქალაქში უფრო ინტენსიურია, ვიდრე მოსკოვში, ბაქოში ან ანკარაში, მაგრამ არსებითად უფრო თავისუფალია, ვიდრე მსოფლიოს ყველაზე გადატვირთულ მეგაპოლისებში.
მეზობელი დედაქალაქები რეიტინგში შემდეგნაირად განლაგდნენ: მოსკოვი - 28-ე ადგილი, ბაქო - 143-ე, ანკარა - 146-ე, ერევანი - 273-ე. ექსპერტები აღნიშნავენ, რომ ყველაზე გადატვირთული გზები მდებარეობს ლაგოსში, სან-ხოსესა და ლოს-ანჯელესში, ხოლო ყველაზე ნაკლებად გადატვირთული - ტარტუში, ვილახსა და პლზენში.
ინდექსი ითვალისწინებს არა მხოლოდ მგზავრობის დროს, არამედ მძღოლების უკმაყოფილების ხარისხს, CO2-ის ემისია და სატრანსპორტო სისტემის საერთო ეფექტურობას.
ანალიტიკოსების აზრით, თბილისის საშუალო მაჩვენებელი ასახავს დედაქალაქის გზებზე მზარდ დატვირთვას და სატრანსპორტო ინფრასტრუქტურის განვითარების აუცილებლობას.