მახაჩკალას, თბილისსა და თეირანს შორის შესაძლოა პირდაპირი ავიარეისები დაიწყოს, ამის შესახებ დაღესტნის პრემიერ-მინისტრმა აბდულმუსლიმ აბდულმუსლიმოვმა განაცხადა. მისი თქმით, საერთაშორისო აეროპორტი "უიტაში" აქტიურად ვითარდება: მგზავრთნაკადი 2020 წლიდან 2024 წლამდე გაორმაგდა - 1,4 მილიონიდან 2,9 მილიონ ადამიანამდე.
აეროპორტის რეკონსტრუქციის მეორე ეტაპი მოიცავს ახალი ასაფრენ-დასაფრენი ზოლის მშენებლობას, პლატფორმის გაფართოებას 16 სადგომ ადგილამდე და საჰაერო ხომალდების მომსახურების სისტემების მოდერნიზაციას. ეს საშუალებას მოგვცემს მივიღოთ მეტი რეისი და გავაუმჯობესოთ მგზავრების მომსახურების ხარისხი.
პრემიერის თქმით, მახაჩკალა-თეირანისა და მახაჩკალა-თბილისის მარშრუტების გახსნა ახალ შესაძლებლობებს შექმნის საერთაშორისო ვაჭრობისა და ტურიზმისთვის, რაც დაღესტანს უფრო ხელმისაწვდომს გახდის უცხოელი სტუმრებისა და პარტნიორებისთვის.
