2026 წლის ივნისიდან ოქტომბრის ჩათვლით ბაქო — თბილისის სარკინიგზო მიმოსვლით 96 000-ზე მეტმა მგზავრმა ისარგებლა. აღნიშნულ მონაცემებს საინფორმაციო სააგენტო APA აზერბაიჯანის რკინიგზაზე დაყრდნობით ავრცელებს. ორ ქვეყანას შორის მატარებლების მოძრაობა ექვსწლიანი პაუზის შემდეგ 26 მაისს განახლდა. ამასთან, აზერბაიჯანისა და საქართველოს სახმელეთო საზღვარი 2020 წლიდან დაკეტილი რჩებოდა. მარშრუტზე გამოიყენება Stadler-ის მატარებლები, რომლებიც აზერბაიჯანულ მხარეს ეკუთვნის.
2 ნოემბრიდან ბაქო — თბილისი — ბაქოს მიმართულებით ყოველდღიური რეისების რაოდენობა ოთხამდე გაიზარდა. ამის წყალობით ხელმისაწვდომი სამგზავრო ადგილების რაოდენობა 386-დან 564-მდე გაიზარდა, ანუ დაახლოებით 46%-ით. დამატებით რეისებზე ბილეთების ფასი 55 მანათიდან იწყება. გარდა ამისა, მგზავრებს შესთავაზეს მგზავრობის უფრო ბიუჯეტური ვარიანტები იმ ვაგონებში, რომლებიც ადრე რესტორნებად გამოიყენებოდა: მათზე სტანდარტული კლასის ბილეთები 36 მანათიდან ღირს, რაც დაახლოებით 55 ლარს შეესაბამება.

აზერბაიჯანის რკინიგზაში განმარტეს, რომ განრიგის გაფართოება ქართულ მხარესთან ერთობლივი მოსამზადებელი, ტექნიკური და ორგანიზაციული სამუშაოების დასრულების წყალობით გახდა შესაძლებელი. რეისების რაოდენობის გაზრდამ ორ ქვეყნის დედაქალაქს შორის სამგზავრო მიმოსვლის შესაძლებლობები უნდა გააფართოოს და ამ მარშრუტზე მგზავრობის ხელმისაწვდომობა გაზარდოს.