საქართველოს ხუთმა წამყვანმა კომერციულმა ბანკმა დაიწყო გადასვლა ერთიან Nasdaq Calypso ინფრასტრუქტურაზე სახაზინო ოპერაციების მართვისთვის. პროექტში მონაწილეობენ „საქართველოს ბანკი“, „თიბისი ბანკი“, „ლიბერთი ბანკი“, „ტერაბანკი“ და „ბაზისბანკი“. ახალმა სისტემამ უნდა გაზარდოს ფინანსური ორგანიზაციების ეფექტურობა და შექმნას საფუძველი საბანკო ბაზრის შემდგომი განვითარებისთვის.
Nasdaq-ის კაპიტალის ბაზრების ტექნოლოგიების ხელმძღვანელმა, Magnus Haglind-მა აღნიშნა, რომ საქართველო გახდა საერთო ინფრასტრუქტურის გამოყენების მაგალითი, რომელიც საშუალებას აძლევს ცალკეულ ბანკებს მიიღონ წვდომა თანამედროვე ტექნოლოგიებზე მასშტაბური მოდერნიზაციის ყველა ხარჯისა და რისკის დამოუკიდებლად გაწევის გარეშე. მისი თქმით, ერთიანი პლატფორმა დაეხმარება ქვეყნის ფინანსურ სექტორს საერთაშორისო სტანდარტებზე გადასვლაში.
Nasdaq Calypso-ს დანერგვა ხორციელდება „საქართველოს ფინანსური ბაზრების განვითარების პროგრამის“ (GMAP) ფარგლებში, საქართველოს ეროვნული ბანკის მხარდაჭერით და საქართველოს ფინანსური ბაზრების სახაზინო ასოციაციის კოორდინაციით. პროექტმა უნდა უზრუნველყოს საბანკო სექტორი თანამედროვე ტექნოლოგიური ბაზით და გააძლიეროს ქვეყნის ფინანსური ბაზრის ინფრასტრუქტურა.