ავიაკომპანია Edelweiss გაზრდის სიხშირეს რეისებზე ციურიხი-თბილისი-ციურიხის მიმართულებით. 2026 წლის აპრილიდან ოქტომბრამდე, სამშაბათისა და შაბათის ჩვეულ რეისებს კიდევ ერთი რეისი დაემატება ხუთშაბათობით.
თბილისიდან ციურიხამდე ფრენის ხანგრძლივობა 4 საათი და 30 წუთია, საპირისპირო მიმართულებით - 4 საათი და 15 წუთი. ბილეთების ფასი ერთი მიმართულებით დაახლოებით 598 ლარიდან იწყება, მათი შეძენა შესაძლებელია ავიაკომპანიის ოფიციალურ ვებგვერდზე.
გარდა ამისა, თბილისიდან შვეიცარიაში, კერძოდ ჟენევაში, ინგლისური დაბალბიუჯეტიანი ავიაკომპანია EasyJet დაფრინავს. ბილეთების ფასები მარტიდან ივლისამდე 30-37 ფუნტიდან იწყება, ხოლო განრიგი და დაჯავშნა ხელმისაწვდომია ონლაინ. Edelweiss-ის ახალი რეისები საქართველოს ტურისტებსა და ბიზნესმენებს ცენტრალურ ევროპაში მოგზაურობის დაგეგმვას გაუადვილებს.